لا تخلين نفسج أسيرة لمزاجج

رحلتج نحو النجاح واليقين

اليوم حابة أرمسج عن أمور وقواعد ذهبية آمنت فيها وايد في رحلتي بهالحياة، وإيماني بها ثابت وحقيقي 100%. هالقواعد مب مجرد كلام، هي منهج حياة ومتاكدة إنها بتناسبج وبتغير فيج وايد أشياء إذا طبقتيها بصدق وبدون تردد. (0:00)

ملاحظة لِج: الرموز الزمنية (مثل 00:00) اللي بتشوفينها تحت، هي توقيتات من الفيديو نفسه. إذا حابة تسمعين شرح كل نقطة وكيف تأثر في حياتج، تقدرين تروحين للتوقيت المحدد في الفيديو وتسمعينه بصوت.

أولاً: كسر قيود المزاجية في الالتزام

أول قاعدة وأهمها، هي إن أي عادة يديدة تبين تبدأينها، أو عبادة تبين تلتزمين فيها صدق وتبين تشوفين أثرها الطيب على نفسج وحياتج، نصيحة من القلب: لا تخلينها أبد "أسيرة لمزاجج"(0:10) . وايد بنات يغلطون ويقولون "اليوم مالي خلق" أو "ببدأ يوم بكون مستانسة"، وهذا أكبر عائق للنجاح لأن المزاج متقلب وما يثبت على حال.

لو كل إنسان ناجح ومتميز في هالدنيا حط أهدافه (سواءكانت تجارة، دراسة، أو تطوير ذات) تحت رحمة مزاجه أو حالته النفسية، جان ما حد فينا وصل للي يباه ولا حققنا أي إنجاز يذكر في هالدنيا (0:20). النجاح يبغي استمرارية وصبر، والاستمرارية تبغي قوة إرادة تجبرين فيها نفسج على العمل حتى لو كنتي مالة.

عشان جيه، لازم تجابلين شغلج وتشتغلين على هدفج في كل الحالات؛ يوم تكونين مرتاحة ولينة، ويوم تكون الظروف قاسية وصعبة عليج. في وقت الحماس اللي يخليج تطيرين من الفرح، وفي وقت الفتور والكسل اللي يخليج تبين بس ترقدين وتخلين كل شي. سواء كنتي في قمة انشغالج أو عندج وقت فراغ كبير(0:29) . 

لازم تخلين الالتزام بهدفج "إجبار" وعقيدة عمل، مو مجرد "اختيار" تسوينه وقت ما تبين. أنا آمنت إن هالمشاعر السلبية، ولحظات الإحباط أو التسويف، هي الاختبار الحقيقي لمصداقيتج تجاه حلمج. هل انتي فعلاً تبين هالحلم؟ هني في هالوقت بالتحديد، يبين الصدق؛ فإذا قاومتي واشتغلتي وانتي تعبانة، انتي فعلاً إنسانة صادقة في إرادتج وقوية وتستحقين الوصول(0:40 - 0:52) .

ثانياً: بناء الحياة من خلال الخطوات الصغيرة

ثاني أمر لازم تحفرينه في بالج، إن حياتج الحقيقية والواقعية هي الشيء اللي قاعدة تسوينه "كل يوم"، مب الشيء اللي بس تتمنينه وانتي يالسة على الكرسي وتفكرين. خطواتج الصغيرة البسيطة اليومية هي اللي ترسم ملامح حياتج الجاية وتحدد وين بتوصلين وعقب كم سنة وين بتكونين(1:05 - 1:16) .

لهالسبب، لا تستهينين بأي فعل صغير تسوينه، ولا تجللين (تقللين) من قيمة الفكرة الإيجابية اللي تزرعينها في راسج تجاه نفسج أو تجاه الدنيا. تربية النفس على الكلام الطيب والتصالح مع الذات، هذي هي البذور اللي بتكبر وتستوي شجر يظلل حياتج في المستقبل.

تخيلي لو كل يوم بس تقرين صفحة وحدة من كتاب، أو تلتزمين بورد يومي من القران الكريم ولو كان بسيط، أو تحافظين على ركعة الوتر قبل ما تنامين مع دعوة طالعة من القلب؛ هالأفعال اللي تبين لج صغيرة وبسيطة، هي اللي بتغيرج من داخل وتخليج إنسانة ثانية بمرور الوقت. أثرها بيكبر وبشهدين عليه بعينج يوم تفتح لج أبواب التوفيق من كل مكان وتشوفين البركة في وقتج وجهدج

(1:2 - 1:54).

اليقين هو سر استجابة الدعاء وتحقيق الأمنيات، صممت لج جدول عملي يساعدج على تنظيم و استجابة الدعاء. إذا كنتي تسعين لليقين في دعائج وتتمنين ترتيب خطواتج نحو "تحقيق أمنية الزواج" بوعي وإيمان، أدعوج للاطلاع على [جدول اليقين لتحقيق الزواج]؛ وهو دليل ومنهج عملي مرتب يرافقج يومياً لتثبيت خطواتج باليقين بعيداً عن التشتت والمزاجية وتحقيق الاستجابة بأذن الله. 

للحصول على رابط الكتاب مباشرة اضغط هنا👇🏻:

https://dxd-bix-shop.fourthwall.com/

ملاحظة: في حال لم يفتح الرابط، انسخه والصقه في المتصفح

ثالثاً: التعامل بذكاء مع تحديات الطريق

في دربج نحو تحقيق أهدافج، لازم تكونين واعية ومستعدة لظهور أي عائق أو مشتت يبا يبعدج عن طريقج. وهالعوائق مو بالضرورة تكون مشاكل عودة أو ابتلاءات كبيرة، أحياناً تكون أشياء بسيطة تطلع لج في نص الطريق عشان تختبر صبرج وقوة تحملج  (2:03).

ممكن يكون هالعائق ظرف عابر في البيت أو الدوام، أو مشتتات السوشيال ميديا اللي تاكل وقتج أكل بدون ما تحسين وتخليج تضيعين ساعات في شي ما يفيد، أو طلعات وعزايم تقدرين تستثمرين وقتها في شي يطورج ويخدم هدفج وصحتج. استغلي عمرج وصحتج ووقتج الحين قبل ما يفوت الفوت وتندمين على كل دقيقة ضاعت(2:11 - 2:20).

وعلى فكرة، حتى عقلج الباطن بيحاول يحاربج في البداية! العقل يحب الأشياء اللي تعود عليها والروتين القديم، فإذا جيتي تفرضين عليه عادات يديدة، بيحس بغرابة وبيقعد يكسلج وما يشجعج عليها عشان ترجعين لمنطقة الراحة (Comfort Zone) اللي كنتي فيها وما تبذلين أي مجهود يذكر  (2:31 - 2:39 - 2:50).

رابعاً: مواجهة وساوس الشيطان بيقين المؤمن

هني لازم تفرقين بين صوت عقلج وبين وساوس الشيطان اللي تبا تدمرج. الشيطان دايماً يحاول يحبط المؤمن ويقوله "انتي ما تقدرين"، "ظروفج أصعب من غيرج"، أو "شوفي فلانة أحسن عنج وأشطر ووصلت بسرعة". هدفه الوحيد إنه يخليج تقارنين نفسج بغيرج وتشوفين جدراتج ضعيفة عشان توقفين مكانج وتستسلمين للفشل(2:59).

ليش يسوي جيه؟ لأن الله سبحانه وتعالى قال لنا الحقيقة في كتابه: {الشيطان يعدكم الفقر ويأمركم بالفحشاء}. الشيطان يبغيج تعيشين في فقر نفسي ومادي، وتكونين إنسانة سلبية ومحبطة ومعطلة حياتج. لكن شوفي وعد رب العالمين شو يقول لج: {والله يعدكم مغفرة منه وفضلاً والله واسع عليم}(3:09 - 3:19).

رب العالمين يبغيج تتقدمين، تتنورين بالعلم والعمل،وتتوكلين عليه بصدق ويقين. صدقي كلام ربج والوعود الربانية ولا تلتفتين لوساوس الإحباط والكلام السلبي. خليج نبيهة وذكية، ولو واجهتي أي تحدي أو فكرة سلبية، قولي هذي مجرد عقبة بسيطة وأنا أقوى بالله وبقدر أوصل للي أباه بفضله سبحانه(3:29 - 3:43).

سر الوصول هو المجاهدة المستمرة

حطي هالقاعدة جدم عينج دوم ولا تنسينها:"قاومي ما تكرهين لتصلي إلى ما تحبين" (3:52) . 

قيمة التعب والجهاد اللي تسوينه كل يوم ما بتبين الحين، بتبين يوم تلمسين النجاح بئيدج وتوصلين لهدفج النهائي. وقتها بس بتعرفين ليش كان لازم تضغطين على نفسج في الأيام الصعبة، وبتستوعبين قديش انتي فعلاً آمنتي بجدراتج وتوكلتي على الله حق التوكل. 

التغيير قرار وانتي اليوم تملجين هذا القرار بئيدج. لا تخلين المزاج يتحكم في مستقبلج، وابدأي بخطوات صغيرة لكن مستمرة، لأن هذي الخطوات هي اللي بتصنع منج الإنسانة اللي تحلمين فيها. تذكري دوم إن الله معاج وما بيضيع لج تعب، واليقين هو اللي بيوصلج لبر الأمان.

خبريني في التعليقات، شو أكثر عائق يحسسج بالفتور؟ وخلونا نشجع بعض في رحلة التغيير .

اقرأ أيضاً:إذا تأخرت استجابتج هذه السورة مواساة من الله